Tesla Inc-ын гүйцэтгэх захирал Элон Маск гурван жилийн өмнө худалдаж авсан нарны компаниас нөөцийг шилжүүлэн “Model 3” цахилгаан автомашины үйлдвэрлэлээ өргөжүүлж компаниа дампуурлаас аварсан байх юм аа.
Тухайн үед Элон Solar City-ын хамгийн их хувьцаа эзэмшигч байсан давуу талаа ашиглан уг компаний ажилчдыг Model 3 төсөл дээр ажиллах даалгаварыг өгснөөрөө Solar City-ээс ч Tesla- аас ч эсэргүүцэлтэй тулсан боловч мань хүн “Хэрэв би бүх хүмүүсийг нарнаас салгаж Model 3 төсөл дээр ажиллуулахгүй бол Тesla дампуурна шүү” хэмээн өнгөрөгч 6 сард Делаварын шүүх дээр хэлсэн байхынмаа. Үүний үр дүнд нарныхан мэдээж зовно л доо. Гэхдээ 2016 онд 2 тэрбум доллароор энэ компанийг худалдаж авах ямар ч шаардлагагүй байсан одоо л ашиг аа гаргана даа хөө гэжээ.
Тэрээр бүүр дараа нь ийн ярьсан байна… Тухайн үед би Tesla болон Solarcity-ийг нэгтгэх нь стратегийн чухал ач холбогдолтой гэж бодож байсан. Хэрэв цаг хугацааг эргүүлж болдогсон бол SolarCity-г бие даан ажиллуулж, Tesla-г тусад нь арай өөрөөр ажиллуулах байсаан. Гэхдээ би гэнэн байж, залуу байж Model 3 хөтөлбөрийг хийж гүйцэтгэх нь хичнээн хэцүү болохыг ойлгоогүй явж иймээс л жил, жил хагасын хугацаанд энэ холион бантан болоод өнгөрлөө. Энэхүү дотоод стрессээ давахын тулд SolarCity компанийн инженерүүд, менежмент, борлуулалт ба үйлчилгээний ажилтнуудыг Model 3 хөтөлбөрлүү шилжүүлэн уг загвараа их тоогоор үйлдвэрлэхийг эрмэлзэж байжээ. Тиймдээ ч III улиралд уг машин нь 97,000 ширхэг зарагдаж рекорд эвдээд компанидаа гэнэтийн ашиг авчирсан бөлгөө.
Тэгээд энэ шийдвэр нь ч тал талдаа ашиг аа өгөөд Tesla одоо АНУ-ын хамгийн том сэргээгдэх эрчим хүчний үнэт цаасны багц (fortfolios)-аас бүрддэг 400,000 гаруй нарны эрчим хүч хэрэглэгчтэй. Аа гэхдээ сайны хажуугаар саар гэгчээр Walmart.Inc компани сая 8-р сард Тesla-г шүүхэд өгчээ хөөрхий. Шалтгаан нь гэвэл “Танай дээврийн хавтангийн систем чинь манай дэлгүүрийн агуулахад гал гаргачихлаа шдээ” гээд. Тэгээд Тесла АНУ даяар “Манай дээврийн нарны хавтангийн системийг ашиглаж байгаа улсууд анхнаасаа засвар үйлчилгээгээ сайн хийлгээд урьдчилан сэргийлэх арга хэмжээ аваарай” гээд мэлээн л суртал ухуулга явуулж байгаа буй заа.
Иймдээ ч Тesla-ын дээврийн нарны хавтангийн худалдаа анх удаагаа өссөн үзүүлэлт гарсан байна. 10 сарын 23-ны тайландаа III улиралд Tesla 43 МВт-ын нарны эрчим хүчийг ажиллуулсан бөгөөд энэ үзүүлэлт нь өмнөх 3 сартайгаа харьцангуй 48%-ийн өсөлт үзүүлжээ. Өө тэгээд л үүнээсээ үүдэлтэйгээр хувьцааны үнэ өсөөд л хувьцаа эзэмшигчид нь их л баяртай байгаа сурагтай. Манай Элон ах чиг л хөөрөөд Хятадад шинэ үйлдвэрээ ашиглалтанд оруулаад л, Model Y crossover SUV загвараа төлөвлөснөөсөө эрт эхэлнэ нтр гээд л байгаа шд тиймаа.